تجميع مبالغ هائلة من الأموال في لعبة كونكر أونلاين

اليوم أقدم لكم هذا الموضوع الضخم الذي سوف يساعدكم باذن الله علي تجميع مبالغ هائلة من الأموال في لعبة كونكر أونلاين

طبعا الكل عارف ان فيه طرق كتيرة لتجميع الأموال وانا هعرض كل الطرق اللي تعرفوها و مش تعرفوها كمان




و الترتيب هيكون تنازلي اي من الفقرة الأهم الي الأقل اهميه :





1- شراء الدي بي Db وبيعه:



الكل عارف ان فيه طرق مختلفة لشراء الدي بي زي الفيزاوالكس يو و كمان الكروت اللي بتتباع في مصر

طبعا بعد ما تفكوا الكرت هيطلع ليكم الدي بي وتبيعوها وتجيبو فلوس كتيييييييييييييييير

وهي دي اضمن طريقة للحصول علي الفلوس بس في طرق تانية كتير لسه جاية

وممكن تحول الدراجون بول ل cps وتبيعه أو ممكن تستخدم الدي بي وتزود النوعية quality **** السلاح وتبيعه بثمن عالي
2- تحويل الحجر الكريم العادي Normal Gem الي ريفينديد Refinded :



ممكن بطريقة تحويل الجيم الي ريفينديد جيم نكسب حوالي 2 مليون فرق أنا هقول ليكم ازاي:

انت تروح السوق بس يكون معاك فلوس تكفي انك تشتري 15 نورمال جيم بس مش تتخضوا من الرقم لان النورمال جيم مش غالي
بعد متشتري ال15 جيم تروح لواحد في الماركت اسمه Jeweler Lau (239.254 وهو هيخليلك الجيمات ال15 ريفينديد

** لازم الجيمات تكون من نفس النوع


3- شراء المنزل وبيعه:



الطريقة دي اغلبنا عارفينها بس انا هقولها بالمرة بس هي متعبة شوية بس بتجيب فلوس حوالي 30 مليون


يا سيدي الطريقة دي بتعتمد علي انك يطلع عينك علشان تبني بيتك وفي الأخر تبيعه بثمن غالي جدا وانا هشرح ازاي:

1- روح لواحد في الماركت اسمه crafts man (141,107) واديله 5 iron ores
طبعا بتجيبهم من mine cave وبعدين هو هيديلك حاجة اسمها Timber

2- كرر الخطوة رقم واحد لحد ما تجيب 10 timbers وبعدين اديها لراجل في
الماركت اسمه Carpenter (168,99 و بعدين هو هيديلك Rosewood Voucher

3- روح لنفس الراجل بس لازم يكون معاك 10 Rosewood Voucher وبعدين هو هيديلك حاجة مهمة أوي اسمها Timber Voucher

4- كرر اعملية دي كلها لغاية ما يبقي معاك 5 timbers Voucher وبعدين روح
لراجل في المدينة التوأم Twin City اسمه House Agent (400,284 و اديله ال 5
timber Voucher وبعدين هيديلك أخر حاجة اسمها House permit

5- انت الوقتي اللي عليك انك تبيعها ب 25-30 مليون و تخلص من بناء المنزل
ولو عايز تكمل روح لراجل في الماركت اسمه House Admin واديله ال House
permit و 300 ألف وابني البيت


4- تبديل الجيمات العادية Normal Gems ب Meteors :

ودي المهمة السهلة واللي اي حد فوق لفل 40 يعملها وهي صراحة بتكسب جامد وهي عبارة عن مهمة انا هشرحها الوقتي:

1- روح للمدينة التوأم Twin City عند راجل اسمه General Judd (396,233 وكلمه واختار دايما الخيار الأول وهي دي صورته :






2- روح الماركت واشتري اي جيم عادية بس خد بالك ان الجيمات Fury و moon و
Violet بيكون فرصتهم احسن في انك تجيب ميتيورز حلوة وطبعا انت بتشتري الجيم
العادية بتمن رخيص اوي

3- روح الفيونك كاسل Phoenix Castle عند راجل تحت خالص اسمه Old Miner
(907,546 وبعدين اديله الجيم علما بان الجيمات fury,moon,violet بتبدلهم
بجولد نيدل Gold Needle

4- امشي تحت الراجل ده خطوتين عند الراجل اللي اسمه Assistant وادخل الماين
mine وبعدين دور علي وحش ازرق اسمه Blue Mouse وحاول تمسكه وطبعا ممكن
يفلت منك كذا مرة

5- بعد ما تمسكه هيديلك كنز . تاخد الكنز ده وتروح المدينة التوأم Twin
City عند General Judd مرة تانية وتديله الكنز وشوف بقي الهدية بتاعتك


وبكده أكون خلصت اهم الأشباء اللي ممكن تجيب ليك فلوس في اللعبة الجميلة دي

ويا ريت الموضوع ده مش يتنقل لان انا والله تعبت فيه ومخصصه لمنتدي كونكر